مدونة الطريق الى الله && الاسعار && بقلم. المبدعه ( رشا عبد اللطيف )

♨الاسعار ♨
الاسعار بقت نار وراح في الرجلين الغلبان
حيعمل ايه المواطن  في دوامه الاسعار
مش قادر يروح للفرارجي ولا الجزار
شكلنا حنعيش علي الجبنه والخيار
حتي دول غليو مع اللي غلي كمان
دا غير البنزين والسولار
حتي الفواكه والخضار
  وانفجار فواتير الكهربه والميه والغاز
طفح الكيل والعيشه بقت عذاب ومرار
عملنا ثورة وتجمهر وقلبان
ايه اللي خدناه من التهور و الجنان
غير قله القيمه وعدم راحه البال
الغلا عمل كتير والفقرا بقو ملايين
بعد ماكانو يتعدو علي الصوابع
بقي عددهم في الطالع
النصب والسرقه كترو والظلم ساد
حتي الحمار بعد ماكان مواصله
خلوه وجبه للغلبان
ولسه ياما حنشوف
من المستخبي واللي حيبان
استرها ياللي لا تغفل ولا تنام

بقلمي Rasha